Sukhamo Devi (1986)

Song  -   Sukhamo devi.....

Lyrics  - ONV. kuruppu

Music -  Raveendran

Film   -  Sukhamo Devi (1986)
Singer - K. J. Yesudas

സുഖമോ ദേവി, സുഖമോ ദേവി, സുഖമോ ദേവീ...

സുഖമോ ദേവി, സുഖമോ ദേവി, 

സുഖമോ ദേവീ.. സുഖമോ സുഖമോ 

(സുഖമോ...)

നിന്‍ കഴല്‍ തൊടും മണ്‍തരികളും 

മംഗല നീലാകാശവും (നിന്‍ കഴല്‍..)

കുശലം ചോദിപ്പൂ നെറുകില്‍ തഴുകീ (2)

കുളിര്‍ പകരും പനിനീര്‍ കാറ്റും (2)

സുഖമോ ദേവി, സുഖമോ ദേവി, 

സുഖമോ ദേവീ.. സുഖമോ സുഖമോ

അഞ്ജനം തൊടും കുഞ്ഞു പൂക്കളും 

അഞ്ചിതമാം പൂം പീലിയും (അഞ്ജനം..)

അഴകില്‍ കോതിയ മുടിയില്‍ തിരുകീ (2)

കളമൊഴികള്‍ കുശലം ചൊല്ലും (2)

സുഖമോ ദേവി, സുഖമോ ദേവി, 

സുഖമോ ദേവീ.. സുഖമോ സുഖമോ

Song  -   Sukhamo devi.....

Lyrics  - ONV. kuruppu

Music -  Raveendran

Film   -  Sukhamo Devi (1986)
Singer - K. J. Yesudas, KS Chithra

സൂര്യനേ നിറുകയില്‍ ചാര്‍ത്തുന്ന
വെറുമൊരു ഹിമബിന്ദു ഞാനൊരു ഹിമബിന്ദു
നിറുകയിലാ സൂര്യനെരിയുമ്പോള്‍
താനെ ഉരുകുന്ന ഹിമബിന്ദൂ അതിലുരുകുന്ന ഹിമബിന്ദൂ

[ഏയ്‌ ഹെയ്‌..ഓ..ഹോ ...]

എന്നോ മാഞ്ഞ നിലാവിന്റെ ഓര്‍മകള്‍
ഇന്നീ മുല്ലയില്‍ പൂവിട്ടു
പൂവിതല്‍ തുമ്പിലെ കണ്ണുനീരൊപ്പുവാന്‍
കൈ വിരല്‍ നീളുന്നൂ

[വെറുതേ .. വെറുതേ.. വെറുതേ..]

എന്നൊ കണ്ട കിനാവിന്റെ ഓര്‍മകള്‍
ഇന്നീ മൗനത്തില്‍ മൊട്ടിട്ടു
കാലത്തുണര്‍ന്നൊരു പൂക്കണി പാട്ടിനായ്‌
കാവിലെ മൈനയും കാത്തിരുന്നു

[വെറുതേ...വെറുതേ..വെറുതേ..]

Song  -   Sukhamo devi.....

Lyrics  - ONV. kuruppu

Music -  Raveendran

Film   -  Sukhamo Devi (1986)
Singer - K. J. Yesudas

ശ്രീലതികകള്‍ തളിരണിഞ്ഞുലയവേ
വാ കിളിമകളേ തേൻ കുളുര്‍മൊഴിയേ
അരിയൊരീയൂഞ്ഞാല്‍ അതിലിരുന്നാടൂ
കനക ലിപികളില്‍ എഴുതിയ കവിതതന്‍ അഴകെഴും
(ശ്രീലതികകള്‍)

ഏഴു സാഗരവും ഏറ്റുപാടുമൊരു രാഗമായുണരു നീ
പോരികെന്‍ തരള നാദമായ്‌
മധുര ഭാവമായ്‌ ഹൃദയ ഗീതമായ്‌ വരിക
ഏഴു സാഗരവും ഏറ്റുപാടുമൊരു രാഗമായുണരു നീ
സരിമ സരിമപ സരിമപനി സരിമപനിസ 
സരിമപനിസരി രിമപനി സരിമപ .. 
ആ.. ആ. ആ..
(ശ്രീലതികകള്‍)


ഏഴു പൊൻ തിരികള്‍ പൂത്തു നില്‍ക്കുമൊരു ദീപമായുണരു നീ
പോരികെന്‍ കരളിലാകവേ
മലയസാനുവില്‍ നിറ നിലാവുപോൽ വരിക
ഏഴു പൊൻ തിരികള്‍ പൂത്തു നില്‍ക്കുമൊരു ദീപമായുണരു നീ
പമരി പമരിസ പമരിസനി പമരിസനിപ
പമരിസനിപമ പമരിസനിപമസ..
ആ.. ആ.. ആ..
(ശ്രീലതികകള്‍)