Choola (1979)

Song  -  Tharake....

Lyrics  - Sathyan Anthikkad

Music -  Raveendran

Film   -  Choola
Singer - K.J. Yesudas

താരകേ മിഴിയിതളിൽ കണ്ണീരുമായി

താഴേ തിരയുവതാരേ നീ 

ഏതോ കിനാവിന്റെ ഏകാന്ത തീരത്തിൽ 

പൊലിഞ്ഞുവോ നിൻ പുഞ്ചിരീ 

(താരകേ)

അജ്ഞാതമേതോ രാഗം നിൻ നെഞ്ചിൽ  ഉണരുന്നുണ്ടോ 

മോഹങ്ങളിന്നും നിന്നെ പുൽകുമോ 

മനസിന്റെ മായാവാതിൽ തുറന്നീടും നൊമ്പരത്താൽ 

നീ രാഗ പൂജ ചെയ്യുമോ 

(താരകേ)

 നോവുന്ന സ്വപ്‌നങ്ങൾ തൻ ചിതയിൽ നീ എരിയാറുണ്ടോ 

കണ്ണീരിലൂടെ ചിരി തൂകുമോ 

തമസ്സിന്റെ മേടക്കുള്ളിൽ വിതുമ്പുന്നൊരോർമപോലെ 

എന്നും തപം ചെയ്യുമോ 

(താരകേ)